По вчерашното повторно прегласување на предвремените парламентарни избори 2008, ВМРО - ДПМНЕ освои 63 пратенички места, Коалицијата „Сонце“ 27, ДУИ 18, ДПА 11 и ПЕИ едно место, соопшти вчера вечер на прес - конференција претседателот на ДИК Јован Јосифовски.
Меѓународната група кој е составена од 15-те земји членки на Европската Унија што ја признаа независноста на Косово, по денешната средба во Приштина, соопшти дека денеска започна и физичката работа за одбележување на границата помеѓу Косово и Македонија.
Нема посебен американски предлог-план за решавање на македонско-грчкиот спор околу името, вели помошник-заменик на државниот секретар на САД во Бирото за Европа и Евроазија Розмари Ди Карло во интервјуто за Канал 77 Радио.
Македонија со вкупна оценка 3,86 е рангирана на 15то место на листата во годишниот Извештај на меѓународната невладина организација „Фридом Хаус“ за степенот на развојот на демократијата меѓу 30те држави во транзиција од Европа и Централна Азија во 2007 година.
Меѓународната управна група за Косово ќе се состане денес во Приштина за да дискутира за текот на спроведувањето на предлогот на Марти Ахтисари и за идните чекори на институциите во Косово.
Генералниот секретар на НАТО, Јаап де Хоп Схефер, изјави дека трупите на алијансата ќе останат во Косово на сегашното ниво и покрај тоа што во февруари поранешната српска покраина прогласи независност, и презеде некои од овластувањата на ОН.
BBC на македонски оваа недела објавува серија за промените во Албанија. Колку се гради, како напредува туризмот, како се патува? И каква е атмосферата во земјата по поканата за членство во НАТО?
Репрезентацијата на Шпанија е новиот фудбалски шампион на Европа! “Црвената фурија”, во финалето на 13-тиот континентален шампионат, заслужено ја победи Германија со 1:0 и по пауза од 44 години повторно го подигна посакуваниот Евро трофеј.
Францускиот Сенат синоќа не го изгласа предлогот за институционална реформа со кој се предвидува распишување на референдум за влез на Турција во Европската унија.
Во говорот во Кнесетот францускиот претседател Николас Саркози апелираше до Израел да ја сопре натамошната изградба на еврејски населби на палестинските автономни области и понуди посредување во мировниот процес.
Луксембург е најбогата земја во Европската унија, а по неа е Ирска, додека Бугарија е најсиромашната членка, соопшти европската статистичка служба Евростат.
Генералниот секретар на Обединетите нации Бан Ки-мун изјави дека од лидерите на земјите од Г8, на претстојниот самит во Јапонија, ќе побара преземање конкретни чекори за борба против светската криза со храната, климатските промени и сиромаштијата.
