Терористите можат да користат оружје за масовно уништување уште во 2013 година, сметаат американски експерти
Терористите можат да користат оружје за масовно уништување во нападите врз кој и да е поголем град во светот уште во 2013 година, се наведува во вчера објавениот извештај од раководителите на Комисијата за спречување на ширењето на оружје за масовно уништување и на тероризмот при Конгесот на САД, Боб Грем и Џим Телнт.
Експертите сметаат дека е веројатно екстремистите за своите цели да употребат биолошко, а не нуклеарно оружје. Според нив заканата за Америка и светот е сосема реална и се зголемува. Заклучоците им се засноваат на три аргументи.
Првиот се однесува на ниската цена на производството и ширињето на биолошкото оружје, кое во иднина ќе биде се поевтино и лесно достапно. Вториот е што ефикасноста на овој вид оружје е поголема отколку при користење на рачноизработена нуклерна експлозивна направа, и третиот е дека биотерористите се сретнуваат со помалку потешкотии од оние кои имаат работа со нуклеарно оружје.
Врз основа на наведените аргументи, Грем и Телнт повикаа на создавање федерално и локално ниво на национална стратегија за борба против биотероризмот.
Американските власти вчера ги предупредија локалните полициски служби за можни терористички напади врз луксузни хотели и покрај тоа што немаат информации за точното време и место.
Предупредувањето е упатено од американското Министерство за национална безбедност и од Федералното истражно биро и не е поврзано со истрагата за планираниот бомбашкиот напад во Њујорк и во Денвер, поради кои минатата недела имаше две предупредувања.x | 
